СПОРТСЫЛАР ҺЫНАТМАЙ.
Спорт залы булмауы уңайһыҙлыҡтар тыуҙырһа ла, физрук Айбулат Мохтар улы Солтанов төшөнкөлөккә бирелмәй: уның уҡыусылары уҡыу йылы буйынса асыҡ саф һауала шөғөлләнә, айырыуса футбол, волейбол, йүгереүҙе ярата. Уҡытыусының тырышлығы менән төҙөлгән спорт майҙансығы 2004 йылда район ярышында өсөнсө урын алды. Яңы Балапан мәктәбенең футбол командаһы 2004 йылда район чемпионы булды, 2005
йылда өлкәндәр һәм бәләкәйҙәр төркөмдәре икеһе лә район ярышында икенселеккә сыҡты. Айбулат Мохтар улының 13 уҡыусыһы остазының юлын һайланы –
физкультура буйынса юғары уҡыу йорттарына уҡырға ингән.